ზუგდიდის ცენტრალურ მოედანზე საგზაო ინფრასტრუქტურა განახლდა
21.10.2020 / 21 ოქტომბერი 2020
- ზუგდიდში 55 ქუჩის რეაბილიტაცია მიმდინარეობს. წლის ბოლომდე 70-ზე მეტი ქუჩა რეაბილიტირდება. ზუგდიდში სრულად მოწესრიგდება საგზაო ინფრასტრუქტურა და სანიაღვრე სისტემები, გაკეთდება მიერთებები, მოეწყობა ეზოში შესასვლელები, ბორდიურები და ტროტუარები.
ქალაქ ზუგდიდში უკვე დასრულდა ლ. ბერიას და კონსტანტინე გამსახურდიას ქუჩების რეაბილიტაცია. განახლებული საგზაო ინფრასტრუქტურა მნიშვნელოვანია როგორც მოქალაქეების კომფორტული გადაადგილებისთვის, ისე ტურიზმის განვითარების ხელშეწყობისთვის.
გზის სარეაბილიტაციო სამუშაოებს საქართველოს საავტომობილო გზების დეპარტამენტი ახორციელებს.
