სვანეთში, კოკისპირული წვიმის შედეგად ფერდი ჩამოიშალა
10.08.2020 / 10 აგვისტო 2020
- საქართველოს რეგიონული განვითარებისა და ინფრასტრუქტურის სამინისტროს, საავტომობილო გზების დეპარტამენტის ინფორმაციით, შიდასახელმწიფოებრივი მნიშვნელობის ზუგდიდი-ჯვარი-მესტია-ლასდილის საავტომობილო გზის 116-ე კმ-ზე (შავი ღელე) კოკისპირული წვიმის შედეგად ჩამოიშალა ფერდი, რამაც მოძრაობის შეზღუდვა გამოიწვია.
მათი ინფორმაციით, ადგილზე მობილიზებულია შესაბამისი ტექნიკა და გზის გაწმენდითი სამუშაოები მიმდინარეობს.
საავტომობილო გზების დეპარტამენტის ინფორმაციით, ჩაკეტილი მონაკვეთი უახლოეს საათებში გაიხსნება.
