ენგურჰესის თანამშრომელს COVID 19 დაუდგინდა
24.07.2020 / 24 ივლისი 2020
- ენგურჰესის თანამშრომელს, რომელიც ოკუპირებული აფხაზეთიდან დანარჩენ საქართველოში ენგურის ხიდის გავლით გადმოდიოდა, covid 19 აღმოაჩნდა.
ამის შესახებ ინფორმაციას ზუგდიდის საზოგადოებრივი ჯანდაცვის ცენტრის ხელმძღვანელი ნანა ოდიშარია ადასტურებს და აცხადებს რომ მამაკაცს ენგურის ხიდზე განთავსებულ პუნქტში სწრაფი ტესტი ჩაუტარდა, რითაც კორონავირუსი დაუდგინდა.
შუახნის მამაკაცი რუხის მულტიპროფილურ კლინიკაში იზოლირებულ განყოფილებაში გადაიყვანეს. მას PCR ტესტი ჩაუტარდება, რადგან შემთხვევა საეჭვოდ ფასდება და ტესტის შემდეგ დაზუსტდება, ნამდვილად აქვს, თუ არა მამაკაცს Covid-19-ის ტიპის ვირუსი.
