ზუგდიდის საკრებულოს თავმჯდომარემ მოადგილეებთან ერთად ილია ჭავჭავაძის და ექვთიმე თაყაიშვილის ძეგლები ყვავილებით შეამკო
საქართველოს დამოუკიდებლობის დღესთან დაკავშირებით, ზუგდიდის მუნიციპალიტეტის საკრებულოს თავმჯდომარემ მამუკა წოწერიამ, მოადგილეებთან ბესიკ ჭეჟიასთან და თაზო ფაცაციასთან ერთად, ილია ჭავჭავაძისა და ექვთიმე თაყაიშვილის ძეგლები ყვავილებით შეამკეს.
102 წლის წინ, 1918 წლის 26 მაისს, თბილისში საქართველოს ეროვნულმა საბჭომ სახელმწიფოებრივი დამოუკიდებლობის აქტი მიიღო. საქართველოს დემოკრატიულმა რესპუბლიკამ, რომლის დამოუკიდებლობა ევროპის წამყვანმა ქვეყნებმა ცნეს, არსებობა სამი წლის თავზე, საბჭოთა რუსეთის მიერ განხორციელებული ოკუპაციის შემდეგ, შეწყვიტა.
საქართველომ დამოუკიდებლობის აღდგენა 70 წლის შემდეგ, 1991 წლის 9 აპრილს, შეძლო. 26 მაისი საქართველოს ეროვნულ-განმათავისუფლებელი მოძრაობის ლიდერის, საქართველოს ეროვნული გმირის, მერაბ კოსტავას დაბადების დღეცაა.
