საქართველოს დამოუკიდებლობის დღე ღნიშნეს ჩხოროწყუში
26.05.2020 / 26 მაისი 2020
26 მაისი საქართველოს დამოუკიდებლობისა და ეროვნული გმირის, ეროვნულ-განმათავისუფლებელი მოძრაობის ერთ-ერთი ლიდერის, მერაბ კოსტავას დაბადების დღეა!
საქართველოს პირველი დემოკრატიული რესპუბლიკის დაარსებიდან 102 წელი გავიდა. ამ დღესთან დაკავშირებით, ჩხოროწყუს მუნიციპალიტეტის მერმა დათო გოგუამ, საკრებულოს თავმჯდომარე ბესიკ ესებუამ, საქართველოს პარლამენტის წევრებმა: გოგა გულორდავამ და ჯუმბერ იზორიამ , ადგილობრივი ხელისუფლების წარმომადგენლებთან ერთად, ზვიად გამსახურდიასა და მერაბ კოსტავას ბიუსტები ყვავილებით შეამკეს.
სოფელ ახუთში, მერაბ კოსტავას სახელობის სკვერში ,სიმბოლურად, მარადმწვანე ხე-მცენარეები დაირგო.
