ხობში მცხოვრებ 750-ზე მეტ ადამიანს თერმოსქრინინგი ჩაუტარდა
03.05.2020 / 3 მაისი 2020
ხობის მუნიციპალიტეტის ადმინისტრაციულ ერთეულებში თერმოსკრინინგი მიმდინარეობს. დღევანდელი მონაცემებით, მედიკოსებმა ქარიატაში, ყულევში, პატარა ფოთსა და ჭალადიდში მცხოვრებ 750-ზე მეტ ადამიანს, მერიის მიერ შეძენილი დისტანციური თერმომეტრებით გაუზომეს ტემპერატურა.
მედიკოსები ეტაპობრივად, ხობის მუნიციპალიტეტში მცხოვრებ 30 000-ზე მეტ ადამიანს გაუზომავენ ტემპერატურას. პროცესში „ხობის მუნიციპალიტეტის საზოგადოებრივი ჯანდაცვის ცენტრი“, სასოფლო ამბულატორიების ექიმები და მედდები არიან ჩართულნი.
