ფოთის რეფერალური საავადმყოფოდან 18 წლის გოგონა თბილისში გადაჰყავთ
ფოთის რეფერალური საავადმყოფოდან 18 წლის გოგონა შემდოგი დაკვირვებისა და გამოკვლევების მიზნით თბილისის ინფექციურ საავადმყოფოში გადაჰყავთ.
როგორც ფოთის რეფერალური საავადმყოფოს მენეჯერი აცხადებს, გოგონა ბოლო ორი კვირის განმავლობაში მოგზაურობდა იტალიაში, საქართველოში ჩამოსვლიდან 2 დღეში თავი შეუძლოდ იგრძნო, ჰქონდა ტემპერატურა და კლინიკას მიმართა.
,,შემოიყვანეს პაციენტი, რომელიც ბოლო ორი კვირის განმავლობაში ნამყოფია იტალიაში. მაღალი ტემპერატურა რომ მისცა, მომართა კლინიკას.საზოგადოებრივი ჯანდაცვის დაავადებათა კონტროლის პროტოკოლების რეკომენდაციით, გადაგვყავს თბილისის ინფექციურ საავადმყოფოში შემდგომი გამოკვლევებისთვის”, – განუცხადა ჟურნალისტებს ჰოსპიტალის მენეჯერმა თეა მიგინეიშვილმა.
მისივე თქმით, პაციენტი ამ დროისთვის იზოლირებულია და სპეც ეკიპირებით დაკომოლექტებული ბრიგადა ზუგდიდში უახლოეს საათებში გადაიყვანს.
