ზუგდიდში, თანამედროვე სტანდარტების შესაბამისი ახალი საბავშვო ბაღი გაიხსნება [ფოტო]
01.02.2020 / 1 თებერვალი 2020
![ზუგდიდში, თანამედროვე სტანდარტების შესაბამისი ახალი საბავშვო ბაღი გაიხსნება [ფოტო]](https://api.stv.ge/uploads/2020/02/ბაღიი.jpg)
ზუგდიდში, ბერიას ქუჩაზე თანამედროვე სტანდარტების შესაბამისი ახალი ბაღი ორშაბათს ოფიციალურად გაიხსნება. როგორც ზუგდიდის მუნიციპალიტეტის მერიაში აცხადებენ, ბაღში იფუნქციონირებს 5 ჯგუფი, რომელიც 125 აღსაზრდელს მიიღებს.
ახალი ბაღი ადაპტირებულია შეზღუდული შესაძლებლობების მქონე პირებისთვის. ბაღის მშენებლობისთვის ბიუჯეტიდან 1 167 999 ლარი დაიხარჯა.
ცნობისთვის, ბერიას ქუჩაზე არსებული ბაღი ავარიული იყო, რის გამოც ბავშვებს კერძო სახლში, ნაქირავებ ფართში უწევდათ სკოლამდელი განათლების მიღება. ახალი ბაღის მშენებლობით კი ეს პრობლემა სრულად მოგვარდა.
- ზუგდიდის მუნიციპალიტეტში 2013 წლიდან დღემდე, 20-მდე საბავშვო ბაღს ჩაუტარდა რეაბილიტაცია, ახალი თანამედროვე სტანდარტების შესაბამისი საბავშვო ბაღი კი 2018 წელს ახალკახათში აშენდა.
