26 ივნისს ზუგდიდში ველორბოლა გაიმართება
ზუგდიდის მუნიციპალიტეტის მერიის ორგანიზებით, 26 ივნისს, 17:00 საათზე, ველომარათონი გაიმართება, რომელიც სტარტს ბარამიას ქუჩიდან აიღებს და ანაკლიის ადმინისტრაციულ ერთეულში, სასტუმრო ,,პალმ ბიჩის“ მიმდებარე ტერიტორიასთან დასრულდება.
მარათონში მონაწილეობის მსურველებმა რეგისტრაცია უნდა გაიარონ 26 ივნისის ჩათვლით, ზუგდიდის მუნიციპალიტეტის მერიაში ან გამოაგზავნონ მონაცემები შემდეგ ელ-ფოსტაზე: zugdidismeria@gmail.com.
ველომარათონში მონაწილე პირი ვალდებულია მარათონზე გამოცხადდეს საკუთარი ველოსიპედით. საპრიზო ადგილზე გასული მონაწილეები დაჯილდოვდებიან:
I ადგილი-1000 ლარი, სიგელი, მედალი და პრიზი;
II ადგილი-700 ლარი, სიგელი, მედალი და პრიზი;
III ადგილი 300 ლარი, სიგელი, მედალი და პრიზი;
ღონისძიების მიზანი ჯანსაღი ცხოვრების წესის პოპულარიზაცია და ველოსპორტის განვითარებაა.
