მოწერელია: “დედამიწას ვინ რამდენჯერ დაარტყამს წრეს მე ვერ მოგახსენებთ მაგრამ, სამეგრელოს რეგიონს კი ბატონო შეიძლება წრე დავარტყათ”
სამეგრელო-ზემო სვანეთის გუბერნატორის ალექსანდრე მოწერელიას განცხადებით, არც მას და არც მის წინამორბედ ლევან შონიას ბენზინთან დაკავშირებით არანაირი გადახარჯვა არ აქვთ. ამის შესახებ მან ჟურნალისტებს თემის კომენტირებისას განუცხადა.
,,პირველ რიგში მე ვერ მოგახსენებთ იმას ვისი კვლევაა, რას ეყრდნობოდა ეს კვლევა ჩემთვის ცნობილი არ არის, მე აგერ მაქვს დოკუმენტი, ამ დოკუმენტის მიხედვით მე არანაირი გადახარჯვა არ მაქვს , მათ შორის არც ჩემს წინამორბედს გადახარჯვა საწვავის არ აქვს. ამიტომ კარგი იქნება თუ უფრო დავაზუსტებთ და დიდი სიამოვნებით ვითანამშრომლებთ თქვენთან ერთად თუ კი არის ასეთი ფაქტი, რომ გამოიკვეთოს თუ რამე დარღვევა არსებობს. ჯერ ჯერობით აგერ არის ოფიციალური დოკუმენტი , ამ მონაცემების მიხედვით არანაირ გადახარჯვაზე საუბარი არ შეიძლება. თუკი ჩვენ გვაქს შედარებით უფრო მეტი ხარჯი საწვავის ეს ბუნებრივიც არის, ვინაიდან ცვენ დიდი რეგიონი ვართ, მაღალმთიანი ნაწილიც ძალიან დიდია ჩვენს რეგიონში.
რაც შეეხება არასამუშაო დღეებს თქვენ შეგიძლიათ, ძალიანმარტივად ნახოთ რომ შაბათ კვირასაც კი მე ვიმყოფები ძალიან ხშირად ჩვენი რეგიონის სხვადასხვა სოფელში და ამდენად როგორ ითვლება ეს რომ არასამუსაო დღეს მე გადახარჯვა მაქვს არ მაქვს ვერ მოგახსენებთ. მე ვიცი რომ ის ლიმიტი რაც მე მაქვს, იმაზე გაცილებით ნაკლები საწვავი მაქვს მოხმარებული. თქვენ შეგიძლიათ ნახოთ ეს დოკუმენტში. და არ ვიცი რას ეყრდნობა ის კვლევები რაც არის წარმოდგენილი,”- აღშინა მან.
კითხვაზე, კვლევაში მითითებულია რომ სამეგრელო-ზემო სვანეთის გუბერნატორის მიერ გახარჯული საწვავი დედამიწას ბოლო ორ წელში, ორჯერ თუ სამჯერ რომ შემოუარო აღემატება. ანუ იმ საჭიროებაზე რაც ესე აშკარად ჩანს მაგას აღემატება და თქვენ დაინტერესების წყარო არ უნდა ყოფილიყო ეს?, მოწერელიამ ასე უპასუხა:
,,ჩემი დაინტერესების წყარო არის ოფიციალური დოკუმენტი, მე ვეყრდნობი ოფიციალურ დოკუმენტს, ეს დოკუმენტი აგერ არის თქვენს წინაშე საჯაროდ წარმოდგენილი საიდანაც შეგიძლიათ დარწმუნდეთ და დედამიწას ვინ რამდენჯერ დაარტყამს წრეს მე ვერ მოგახსენებთ მაგრამ, სამეგრელოს რეგიონს კი ბატონო შეიძლება წრე დავარტყათ.” – განაცხადა გუბერნატორმა.
