ნათელა თურნავა – ენგურჰესი არის ერთიანი, ჩვენ აქ ტერიტორიული მთლიანობა გვაქვს შენარჩუნებული
საქართველოს ეკონომიკისა და მდგრადი განვითარების მინისტრმა ნათელა თურნავამ, სამეგრელო-ზემო სვანეთის გუბერნატორთან ერთად ენგურჰესის თაღოვანი კაშხალი მოინახულა და დაგეგმილ სარეაბილიტაციო სამუშაოებთან დაკავშირებით მედიასთან კომენტარი გააკეთა.
მისი თქმით, არსებობს გეგმა, რომლის მიხედვითაც აქტიური ტემპით გაგრძელდება ენგურვარდნილის კასკადის რეაბილიტაცია. სამუშაოების პირველი ეტაპი 2016 დასრულდა, ახლა კი სამინისტრო იწყებს კვლევას, რათა ენგურვარდნილი თავის დადმულ საპროექტო სიმძლავრეზე გადავიდეს, რაც მინისტრის განმარტებით, ისტორიული მომენტია და ყველა თაობის ენერგეტიკოსების ოცნება იყო.
მინისტრმა ასევე კომენტარი გააკეთა, მედიაში გავრცელებულ ინფორმაციაზე ბიტკოინებთან დაკავშირებით.
,,ცრუ და გადაუმოწმებელ და აფსურდულ ვერსიას თითქოს თუ რატომ ვაწვდით ჩვენს აფხაზეთს ენგურჰესიდან ელექტროენერგიას ამაზე მინდა მარტივად გითხრათ, თავი რომ დავანებოთ ამ ინფორმაციის აფსურდულობას, გადაუმოწმებლობას, მინდა რომ გავიხედო უკან, აქ არის ენგურის კაშხალი, ეს არის ჩვენი ეროვნული სიმდიდრე, მრავალი წელია ენგურჰესი აწვდის ელექტროენერგიას სრულიად საქართველოს და ოკუპირებულ აფხაზეთს. ეს არის ერთერთი ძალიან მცირეთაგანი იმ ძაფებისგან, რაც ჩვენ დაგვრჩა და გვაერთიანებს ჩვენ აფხაზ დებთან და ძმებთან, უნდა მოვუფრთხილდეთ ამ ძაფებს. მტრის მცდელობისდა მიუხადად, ენგურჰესი არის ერთიანი, ჩვენ აქ ტერიტორიული მთლიანობა გვაქვს შენარჩუნებული. ჩვენი ტერიტორიული ერთიანობის საკითხის გამოყენება მხოლოდ მტრის წისქვილზე ასხამს წყალს. ჩვენ ვაწვდით ელექტროენერგიას აფხაზ ძმებს და ძმებს, ისინი ისედაც რთულ ყოფაში არიან. ენგურჰესის ელექტროსისტემა იყო და არის ქვეყნის გამაერთიანებელი,”- განაცხადა თურნავამ.
მსგავსი სიახლეები
ირაკლი კობახიძე: ჩვენ გვაქვს ჩვენი პოლიტიკური ბუნება და ეს არის ჰუმანური, განსხვავებით იგივე წინა ხელისუფლებისგან. ჩვენ შეგვეძლო გარკვეული პროცესების გაგრძელება, თუმცა ყველაფერს გავუწიეთ ანგარიში
ირაკლი ღარიბაშვილი: მანამ, სანამ „ქართული ოცნება“ არის ხელისუფლებაში, ჩვენ აქ არ დავუშვებთ მეორე ფრონტს, ეს არის გამორიცხული, ამაზე არავინ არ უნდა ფიქრობდეს, ილუზია არავის არ ჰქონდეს
