სენაკის პოლიკლინიკაში ინტოქსიკაციის ნიშნებით შეყვანილი მოსწავლეებიდან უმრავლესობა სახლში გაწერეს
10.05.2019 / 10 მაისი 2019
სენაკის ბავშვთა პოლიკლინიკიდან, ინტოქსიკაციის ნიშნებით შეყვანილი 26 მოსწავლიდან 25 უკვე გაეწერა, – ამის შესახებ ჟურნალისტებს სენაკის ბავშვთა კლინიკის ტოქსიკოლოგმა ქეთევან წყაროზიამ განუცხადა. მისი თქმით, ყველა მათგანის მგომარეობა სტაბილურია.
„ბავშვებმა, როგორც თავად ამბობენ, საკლასო ოთახში იგრძნეს უცნაური სუნი, რის შემდეგაც დაეწყოთ თავბრუსხვევა, თავის ტკივილი, ღებინება. ჩაუტარდათ ყველა შესაბამისი კვლევა და 25 ბავშვი გაეწერა საავადმყოფოდან. მხოლოდ ერთი მოსწავლე რჩება კლინიკაში ექიმების მეთვალყურეობის ქვეშ“, – განაცხადა ტოქსიკოლოგმა ქეთი წყაროზიამ.
