სამეგრელო- ზემო სვანეთის სამხარეო ადმინისტრაციაში სამუშაო შეხვედრა გაიმართა
აზიურ ფაროსანასთან ბრძოლის საკითხებსა და რეგიონებში მიმდინარე სხვა პროექტებზე იმსჯელეს სამეგრელო- ზემო სვანეთის სამხარეო ადმინისტრაციაში გამართულ სამუშაო შეხვედრაზე.
გარემოს დაცვისა და სოფლის მეურნეობის მინისტრის პირველმა მოადგილემ გიორგი ხანიშვილმა, სამეგრელო-ზემო სვანეთის სახელმწიფო რწმუნებულს ალექსანდრე მოწერელიასთან, აჭარის სოფლის მეურნეობის მინისტრს ტიტე აროშიძესთან, სურსათის ეროვნული სააგენტოს უფროსის მოადგილე გიორგი იაკობაშვილთან, რაჭა-ლეჩხუმის, გურიისა და იმერეთის სამხარეო ადმინისტრაციების წარმომადგენლებთან ერთად მავნებლის წინააღმდეგ ბრძოლის სახელმწიფო პროგრამით გათვალისწინებული ღონისძიებები განიხილა.
შეხვედრაზე მავნებელთან ბრძოლის პროცესში ადგილობრივი ხელისუფლების და თითმმართველი ერთეულების როლზე ისაუბრეს და აღნიშნეს, რომ მაქსიმალური შედეგის მიღება შესაძლებელია ერთობლივი ძალისხმევით და მოსახლეობის აქტიური ჩართულობით.
სახელმწიფო რწმუნებულმა ალექსანდრე მოწერელიამ შეხვედრაზე განაცხადა, რომ რეგიონში წარმატებით მიმდინარეობს თხილის გადარჩენის პროგრამა, რომელიც ადგილობრივებს საშუალებას აძლევს მიიღონ შესაწამლი აპარატები, აგრონომების უფასო კონსულტაცია და პრეპარატებზე ისარგებლონ საშეღავათო პირობებით.
გიორგი ხანიშვილის განმარტებით, სახელმწიფო წელსაც აქტიურად არის ჩართული მავნებელთან ბრძოლის ღონისძიებებში. ამ კუთხით დაგეგმილია მასშტაბური სამუშაოები. აგრეთვე, დაგროვილი გამოცდილებიდან გამომდინარე, იმისათვის რომ მოხდეს თხილის კულტურის დაცვა მავნებლებისგან და გავრცელებული სოკოვანი დაავადებებისგან სახელმწიფო დარგობრივ გაერთიანებებთან, საქართველოს თხილის მწარმოებელთა ასოციაციასთან ერთად ახორციელბს მასშტაბურ პროგრამა.
დღეისათვის ყველა რეგიონის მუნიციპალიტეტში მავნებლის მონიტორინგი და რაოდენობის იდენტიფიცირების პროცსი მიმდინარეობს. მონიტროინგის შედეგების მიხედვით დაიგეგმება მავნებლის კონტროლის შეწავლითი სამუშაოები. მოსახლეობის მაქსიმალური ჩართულობის მიზნით, ჩატარდება აქტიური საინფორმაციო კამპანია.
მსგავსი სიახლეები
სამეგრელო-ზემო სვანეთის სამხარეო ადმინისტრაციაში სოფლის მეორნეობის საკითხებზე შეხვედრა გაიმართა
საძოვრების მდგრადი მართვის ეროვნული პოლიტიკის კონცეფციის დოკუმენტი სამეგრელო-ზემო სვანეთის სამხარეო ადმინისტრაციაში განიხილეს
