“ნაციონალებმა” სამეგრელო-ზემო სვანეთის გუბერნიის შენობაში შეჭრა სცადეს
16.12.2018 / 16 დეკემბერი 2018
“ნაციონალური მოძრაობის” წარმომადგენლები, რომლებიც სამეგრელო-ზემო სვანეთის გუბერნიის შენობასთან დილიდან შეიკრიბნენ, ამ წუთებში ამავე შენობაში შეჭრას ცდილობენ და აცხადებენ, რომ შინაგან საქმეთა მინისტრს, გიორგი გახარიას ხახვი და კარტოფილი უნდა დაუტოვონ.
“ნაციონალური მოძრაობის” ადგილობრივ ლიდერებსა და მხარდამჭერებს ამის საშუალებას სამართალდამცავები არ აძლევენ, რომლებიც მიმდებარე ტერიტორიაზე არიან მობილიზებული და უსაფრთხოებას და წესრიგს იცავენ.
