გიორგი გახარია – პოლიცია იმოქმედებს კანონის შესაბამისად, მაგრამ ეფექტურად და მკაცრად
“სამართალდამცავები იღებენ ისეთ ღონისძიებას, რაც საჭიროა იმისთვის, რომ ზეიმმა ჩაიაროს მშვიდ ვითარებაში. ყველას, ვისაც ექნება პროტესტის გამოხატვის სურვილი, გამოხატვის თავისუფლება იქნება დაცული”, – ამის შესახებ საქართველოს შინაგან საქმეთა მინისტრმა, გიორგი გახარიამ განაცხადა.
„არაფერი განსაკუთრებული არ ხდება, დღეს არის მნიშვნელოვანი დღე. დღეს არის საქართველოს ახლად არჩეული პრეზიდენტის ინაუგურაცია. სამართალდამცავები იღებენ ისეთ ღონისძიებას, რაც საჭიროა იმისთვის, რომ ზეიმმა ჩაიაროს მშვიდ ვითარებაში. ყველას, ვისაც ექნება პროტესტის გამოხატვის სურვილი, გამოხატვის თავისუფლება იქნება დაცული. ყველას მოვუწოდებ და ვაფრთხილებ, ვუსმინოთ და დავემორჩილოთ პოლიციის მითითებას, ეს არის მთავარი, რომ ამ დღემ ჩაიაროს მშვიდ, წყნარ და საზეიმო გარემოში, ვიზეიმოთ ინაუგურაცია და გვქონდეს ჩვენი აზრის გამოხატვის საშუალება.
დარწმუნებული ვარ, დღევანდელი დღე, ჩაივლის მშვიდ გარემოში, ისე, რომ ჩვენი თითოეული მოქალაქის უსაფრთხოება იქნება დაცული. სამწუხარო შემთხვევებს და პროვოკაციებს თუ ექნება ადგილი, პოლიცია იმოქმედებს კანონის შესაბამისად, მაგრამ ეფექტურად და მკაცრად”, – განაცხადა გიორგი გახარიამ.
დღეს, თელავში საქართველოს მე-5 პრეზიდენტის ინაუგურაციის პარალელურად, გაერთიანებული ოპოზიციის საპროტესტო აქცია იგეგმება.
