ნიკოლ ფაშინიანი – საქართველოსთვის პირველი ქალი პრეზიდენტი ჭეშმარიტად ისტორიული მოვლენაა
სომხეთის პრემიერ-მინისტრის მოვალეობის შემსრულებელი, ნიკოლ ფაშინიანი სალომე ზურაბიშვილს პრეზიდენტის თანამდებობაზე არჩევას ულოცავს.
როგორც სომხური სააგენტო News.am-ი წერს, ნიკოლ ფაშინიანმა სალომე ზურაბიშვილს მისალოცი ტელეგრამა გაუგზავნა.
„მიიღეთ ჩემი გულწრფელი მილოცვა მოძმე საქართველოს პრეზიდენტის თანამდებობაზე არჩევასთან დაკავშირებით. თქვენი არჩევა საქართველოს პირველ ქალ პრეზიდენტად ჭეშმარიტად ისტორიული მოვლენაა და გულით გისურვებთ, რომ თქვენი მმართველობა საქართველოს ისტორიაში ხანგრძლივი აღმასვლითა და კეთილდღეობით აღინიშნოს.
დარწმუნებული ვარ ასევე იმაში, რომ საუკუნეების განმავლობაში კეთილგანწყობასა და საერთო ღირებულებებზე დაფუძნებული ურთიერთობები საქართველოსა და სომხეთს შორის საერთო ძალისხმევით გაძლიერებას გააგრძელებს ურთიერთნდობისა და ურთიერთგაგების ატმოსფეროში. ჩვენ გავაფართოვებთ ორმხრივ დღის წესრიგს ახალი შინაარსიანი პროგრამებით და სომხეთისა და საქართველოს პროგრესისთვის ერების მეგობრობის მთელ პოტენციალს გამოვიყენებთ”, – წერს ნიკოლ ფაშინიანი მისალოც გზავნილში.
ნიკოლ ფაშინიანი აღნიშნავს, რომ სალომე ზურაბიშვილთან შეხვედრასა და თანამშრომლობას ელოდება.
ცენტრალური საარჩევნო კომისიის მონაცემებით, საპრეზიდენტო არჩევნების მეორე ტურში „ქართული ოცნების“ მხარდაჭერილმა კანდიდატმა, სალომე ზურაბიშვილმა გაიმარჯვა. მან ამომრჩეველთა ხმების 59, 52 პროცენტი მიიღო, რაც რაოდენობრივად 1 147 627 ხმაა.
მსგავსი სიახლეები
ტრანსგენდერი ქალი ანასტასია პირველი და ბერა ერთობლივ პროექტზე მუშაობენ?
ირაკლი ღარიბაშვილი: პრეზიდენტი სი ძინპინი ჭეშმარიტად სამაგალითო ლიდერი და მასშტაბური ხედვის მქონე, ბრძენი ადამიანია, რომელმაც დიდი საქმეები აკეთა თავისი დიდი ერისთვის, სრულად ვუჭერთ მხარს მის ინიციატივებს
