ექსკლუზივი: გდი-ს ყოფილ უფროსს ზუგდიდის მერიის თანამშრომელმა ესროლა
25.11.2018 / 25 ნოემბერი 2018
სამეგრელო-ზემო სვანეთის გარემოს დაცვის ინსპექციის ყოფილი უფროსის, ბაკურ გულუას დაჭრის ფაქტზე ზუგდიდის მერიის თანამშრომელი გენადი ბენდელიანი იძებნება. ამის შესახებ ექსკლუზიური ინფორმაცია STV-მ მოიპოვა.
STV-ს ინფორმაციით, გენადი ბენდელიანმა საქართველო დანაშაულის ჩადენიდან რამდენიმე საათში სარფის გავლით დატოვა. ის ამჟამად თურქეთს აფარებს თავს. STV-სთვის დაჭრის ძირითადი მიზეზები ცნობილია, თუმცა ახალი ამბების სააგენტო თავს იკავებს მსგავსი ფაქტების გამოქვეყნებისგან.
შეგახსენებთ, რომ 22 ნოემბერს ზუგდიდის ცენტრში ცეცხლსასროლი იარაღიდან სამეგრელო-ზემო სვანეთის გარემოს დაცვის ინსპექციის ყოფილ უფროსს, ბაკურ გულუას ესროლეს. გულუა ორივე ფეხის არეში იყო დაჭრილი, რომელსაც სასწრაფო ოპერაცია ჩაუტარდა. ამჟამად დაშავებულის ჯანმრთელობის მდგომარეობა სტაბილურია.
