მოწერელია: “თხილის კულტურის ეფექტიანი მოვლის პროპაგანდისთვის ყველა რესუსრსს გამოვიყენებ”
სამეგრელო-ზემო სვანეთის გუბერნატორი ალექსანდრე მოწერელია სოფლის მეურნეობის სამეცნიერო კვლევითი ცენტრის მეცნიერ-თანამშრომლებსა და ორგანიზაცია ,,ელკანას“ წარმომადგენლებს შეხვდა.
„მოსახლეობაში თხილის კულტურის ეფექტიანი მოვლის პროპაგანდისთვის, მზად ვარ, ყველა რესურსი გამოვიყენო, რაც სახელმწიფო რწმუნებულს გააჩნია,“ – შეხვედრის დასაწყისშივე აღნიშნა სამეგრელო-ზემო სვანეთის გუბერნატორმა, ალექსანდრე მოწერელიამ.
შეხვედრაზე განხილვის მთავარი თემა იყო როგორც რეგიონში, ასევე, ცალკეულ ფერმერთა თხილის მოსავალი და ამ მცენარეული კულტურის მოვლის საშუალებები, ასევე, სხვადასხვა ლოკაციაზე ნიადაგის კვლევის საკითხები. მოსახლეობის საფუძვლიანად ინფორმირებისა და თხილის კულტურის, როგორც სამეგრელოს მოსახლეობის ძირითადი ნაწილის შემოსავლის წყაროს, გაფრთხილება-აღდგენის მიზნით დამატებითი ღონისძიებების შესახებ დისკუსიაც გაიმართა.
„ელკანას“ წარმომადგენელმა სრული მზაობა გამოთქვა, კონსულტაციებთან ერთად, მიმდინარე პროცესების მონიტორინგიც აწარმოოს. დაიგეგმა მცირემეტრაჟიანი დოკუმენტური ფილმის გადაღებაც, რაც ხელს შეუწყობს თხილის მეურნეობის აღდგენის მეთოდებზე რეგიონში მცხოვრები თითოეული მოსახლის ინფორმირებას.
შეხვედრის დასასრულს, გუბერნატორმა სამოქმედო სტრატეგიის შემუშავებისათვის სოფლის მეურნეობის დარგის სპეციალისტების, კომპეტენტური ორგანიზაციების, მეცნიერებისა და სხვა წარმომადგენლების მოწვევა დაანონსა.
მსგავსი სიახლეები
ალექსანდრე მოწერელია: ჩვენ წელს გვაქვს ძალიან მაღალი ეკონომიკური აქტივობა და შეგვიძლია ვიფიქროთ მეორე ეტაპზე – თხილის, როგორც კულტურის შემდგომ გაადგილებაზე და გაზრდილ მოსავალზე
თხილის წარმოების ხელშეწყობის პროგრამის ფარგლებში, ფერმერებმა 14,8 მლნ ლარის ღირებულების თხილის ბაღების მოვლის საშუალებები შეიძინეს
