არჩილ თალაკვაძე – სალომე ზურაბიშვილი შეძლებს საზოგადოების და პოლიტიკოსების აზრის გაერთიანებას
„სალომე ზურაბიშვილი მაღლა დადგება ყოველი პარტიის დღის წესრიგზე და შეძლებს საზოგადოების და პოლიტიკოსების აზრის გაერთიანებას”,- ამის შესახებ საპარლამენტო უმრავლესობის ლიდერმა, არჩილ თალაკვაძემ ზუგდიდში პრეზიდენტობის დამოუკიდებელი კანდიდატის, სალომე ზურაბიშვილის მოსახლეობასთან შეხვედრის დასრულების შემდეგ განაცხადა.
მისი თქმით, სალომე ზურაბიშვილმა ჩამოაყალიბა ხედვა, თუ რა როლი უნდა ჰქონდეს პრეზიდენტს საქართველოს მომავალ განვითარებაში.
„კიდევ ერთხელ მკაფიოდ ვიტყვი, რომ ხელისუფლების საგარეო კურსი მტკიცე და უცვლელია. რაც შეეხება ტერიტორიული მთლიანობის საკითხს, ქალბატონმა სალომემ თქვა, რომ მისი მთავარი მიზანი ტერიტორიული მთლიანობის აღდგენა მშვიდობიანი, განვითარების გზით იქნება. ეს არის მისი პოლიტიკური ხედვა და თანხვედრაშია საერთაშორისო მოსაზრებასთან. რა თქმა უნდა ტერიტორიული მთლიანობის აღდგენა უნდა მოხდეს მშვიდობიანი გზით”,- განაცხადა არჩილ თალაკვაძემ.
მსგავსი სიახლეები
სალომე ზურაბიშვილი – კულტურა სახელმწიფოსა და სამოქალაქო საზოგადოების განვითარების აუცილებელი პირობაა
მეუფე სტეფანე: არ ვიცი, ვინ რას ურჩევს და უბრძანებს, მაგრამ სალომე ზურაბიშვილი ქართველი ხალხის დაკვეთით არ მოქმედებს და მისი განცხადებები საქართველოს ინტერესებიდან არ გამომდინარეობს
