ზუგდიდში პური 10-15 თეთრით გაძვირდა
ზუგდიდის სუპერმარკეტებსა და სავაჭრო ცენტრებში პური 10-15 თეთრით გაძვირდა. პურის ფასი ქალაქში მოქმედმა თითქმის ყველა პურსაცხობმა გაზარდა. მეწარმეები განმარტავენ, რომ პურის გაძვირების, მიზეზი პურის ფქვილზე ფასის მატება გახდა.
„ხორბალი გაძვირდა, ამიტომ ფქვილზე ფასმაც 10–11 ლარით მოიმატა, 37 ლარი ღირდა და ახლა 48 ლარად ვყიდულობთ“-აცხადებენ ზუგდიდის პურსაცხობებში.
მომხმარებელთა პროტესტს კი იწვევს ის, რომ პურის წონა და ფორმა იგივე დარჩა, ხოლო ფასმა კატასტროფულად მოიმატა.
“რა ვქნათ და საერთოდ როგორ ვიარსებოთ? ყველაფრის ფასმა მოიმატა და აი ახლა პურის ფასმაც. წონა და ფორმა პურის იგივე დარჩა, ხოლო ფასმა აიწია. არ ჰყავს ქვეყანას პატრონი. ასე როგორ შეიძლება? ყველგან განუკითხაობა როგორაა. პენსიას ლარი არ ემატება და პროდუქტების ფასი დღითიდღე მატულობს”-აცხადებენ მოქალაქეები.
