სამეგრელოში პური გაძვირდა – ყველა მუნიციპალიტეტში სხვადასხვა ფასები ფიქსირდება
სამეგრელოში პურის ფასის გაძვირება 5 ტეთრიდან იწყება და მაქსიმუმ 20 თეთრს აღწევს. STV-სამეგრელოს მუნიციპალიტეტებში გამოკითხვები აწარმოა პურის ფასთან დაკავშირებით. მოსახლეობა ფასების მატებით უკმაყოფილოა. მოსახლეობის ნაწილი გაკვირვებას გამოხატავს ფასების უეცარ მატებასთან დაკავშირებით.
“ფასებმა დაიკლო შაქარზე, ბურღულეულზე, ზეთზე და იმ პირველადი მოხმარების პროდუქტებზე, რომელიც აუცილებელია საარსებოდ და პურის ასე გაძვირება ცოტა უცნაურადაც მეჩვენება. ეს ალბათ ისევ პურსაცხობების მიერ შექმნილი სიტუაციაა და სხვა არაფერი”-ამბობს ზუგდიდის მკვიდრი, პენსიონერი სულიკო გეთია, რომელმაც პური დილით 75 თეთრად შეიძინა სოფლის სუპერმარკეტში.
ის ამბობს, რომ პურს არც წონა მომატებია და არც ფორმა შეუცვლიათ. მიუხედავად ამისა, იგივე წონის მქონე პური 15 თეთრით ძვირად იყიდა.
“ფასის მატება მესმის როცა წონასაც უმატებ. აქ არც წონა შეცვლილა და აღარც ფორმა. ამბობენ, რომ ბაზარში პურის ფქვილის ფასმაც იმატაო. მე პენსიონერი ვარ და ქალაქში ვერ დავდივარ, მაგრამ ზოგჯერ მეზობელს გავატანდი ხოლმე ფულს, რომ პური მოეტანა. აბსოლიტურად უკვეყველგან გაძვრირებულია პურის ფასი”-ამობს STV-თან მარტოხელა პენსიონერი.
პურის ფასმა იმატასამეგრელოს სხვა მუნიციპალიტეტებშიც, თუმცა ზუგდიდისგან განსხვავებული ფასებია სენაკსა და ხობში, ასევე ქალაქ ფოთში.
“პური, რომელსაც 50 თეთრად ვყიდულობდი მანამდე, დღეს 55 თეთრად ვიყიდე”,-აცხადებს STV-თან სენაკის საკრებულოს წევრი ინგა ქარდავა.
პურის ფასმა 10-15 თეთრით გაძვირდა ქალაქ ფოთში.
“ფოთშიც გაძვირდა პურის ფასი. თუ ადრე პურს, რომელიც ადგილობრივ პურსაცხობში ცხვება 1 ლარად ვყიდულობდით, უკვე 1, 20 თეთრი გახდა”-ამბობს ფოთის მკვიდრი შორენა მირცხულავა.
20 თეთრით გაძვირდა პური ხობის მუნიციპალიტეტშიც.
“საერთოდ არ ვიცოდით პურის გაძვირების შესახებ. მაღაზიაში გავაგზავნეთ ბავშვი და გავატანეთ 2 პურის ფული. აღმოჩნდა რომ 40 თეთრი დააკლდა. ჯერ გავიკვირვეთ, მაგრამ მოგვიანებით გავიგეთ, რომ ხობში პური 20 თეთრით გაძვირდა.
სამეგრელოს სხვა მუნიციპალიტებისგან განსხვავებით პური არ გაძვირებულა წალენჯიხასა და ჩხოროწყუში. ადგილობრივების განცხადებით ამ წუთამდე პურს ისევ ძველ ფასად ყიდულობენ, თუმცა აღნიშნავენ, რომ პურის ფქვილის ფასმა მოიმატა.
“პური ჯერჯერობით არ გაძვირებულა თუ არ ცავთვლით ზოგიერთ სუპერმარკეტს ისევ იმ ფასად ვყიდულობთ, როგორც ადრე, თუმცა პურის ფქვილის ფასმა მოიმატა. თუ ადრე 25 კილოგრამიან ტომრის ფქვილში 25 ლარს იხდიდენენ, დღეს იგივე წონის პურის ფქვილის ყიდვა 30 ლარად არის შესაძლებელი. გამომდინარე აქედან, ალბათ პური აქაც გაძვირდება”-აცხადებენ ადგილობრივები.
მეწარმეები განმარტავენ, რომ პურის გაძვირების, მიზეზი პურის ფქვილზე ფასის მატება გახდა.
„ხორბალი გაძვირდა, ამიტომ ფქვილზე ფასმაც 10–11 ლარით მოიმატა, 37 ლარი ღირდა და ახლა 48 ლარად ვყიდულობთ“-აცხადებენ პურსაცხობებში.
აღსანიშნავია, რომ პურზე ფასების ზრდას გავლენა არ მოუხდენია “შოთის პურზე”. ე.წ “ლავაშს” მოსახლეობის დიდი ნაწილი ისევ ძველ ფასად ყიდულობს.
