ანაკლიაში ირანის მოქალაქემ ქართველი გოგონა ძალის გამოყენებით გააუპატიურა (ვიდეო)
შინაგან საქმეთა სამინისტრომ გაუპატიურების ბრალდებით ერთი პირი ცხელ კვალზე დააკავა შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის თანამშრომლებმა, ცხელ კვალზე ჩატარებული ოპერატიულ-სამძებრო და საგამოძიებო ღონისძიებების შედეგად, გაუპატიურების ბრალდებით, უცხო ქვეყნის მოქალაქე, 1995 წელს დაბადებული ა.ა. დააკავეს.
გამოძიებით დადგინდა, რომ ბრალდებულმა მიმდინარე წლის 27 აგვისტოს ზუგდიდის რაიონის სოფელ ანაკლიაში, თ.ტ-თან, მისსავე დროებით საცხოვრებელ ბინაში, სქესობრივი კავშირი იძულებით დაამყარა და შემთხვევის ადგილიდან მიიმალა.
სამართალდამცველებმა ბრალდებული შემთხვევიდან რამდენიმე საათში თბილისის საერთაშორისო აეროპორტში იმ დროს დააკავეს, როდესაც იგი ქვეყნის დატოვებას ცდილობდა. გამოძიება გაუპატიურების ფაქტზე, საქართველოს სისხლის სამართლის კოდექსის 137-ე მუხლით მიმდინარეობს.
ირანის მოქალაქე თბილისიდან ზუგდიდში დღეს დილით ზუგდიდში გადმოიყვანეს. ზუგდიდის რაიონულ პოლიციაში დაზარალებულის მეგობრები ამოცნობაზე მივიდნენ. საინფორმაციო სააგენტო STV-ს კამერა მათ პოლიციის შესასვლელ კარებთან დახვდა, თუმცა თვითმხილველებმა კემერებთან საუბარი არ ისურვეს.
