ადგილობრივმა ხელისუფლებამ ზუგდიდში განხორცილებული პროექტები დაათვალიერა
ზუგდიდის მერმა ლაშა გოგიამ მუნიციპალიტეტის საკრებულოს თავმჯდომარემ მამუკა წოწერიამ და ზედამხედველობისა და არქიტექტურის სამსახურის უფროსმა ლაშა ჯაიანმა ჭითაწყარსა და ცაცხვში რეაბილიტირებული გზები დაათვალიერეს.
ჭითაწყარში, კოსტავას ქუჩაზე, 440 მეტრი სიგრძისა და 6 მეტრი სიგანის საავტომობილო გზის რეაბილიტაციის პირველი ეტაპი დასრულდა. დაიგო ასფალტო-ბეტონის საფარი.
პროექტის ღირებულება 250 000 ლარს შეადგენს.
გზის რეაბილიტაციის მეორე ეტაპის სამუშაოების შესყიდვაზე ტენდერი უკვე გამოცხადებულია.
ცაიშისა და ცაცხვის ადმინისტრაციულ ერთეულებში (კურორტის მონაკვეთი) 1023 მეტრი სიგრძისა და 6 მეტრი სიგანის საავტომობილო გზის რეაბილიტაციის მეორე ეტაპი დასრულდა . დაიგო ასფალტო-ბეტონის საფარი.
პროექტის ღირებულება 437 000 ლარს შეადგენს.
გზის რეაბილიტაციის პირველი ეტაპი 2017 წელს განხორციელდა.
პროექტები საქართველოს რეგიონებში განსახორციელებელი პროექტების ფონდისა და ზუგდიდის მუნიციპალიტეტის მერიის დაფინანსებით განხორციელდა.
