“ქუჩის პიანინო” ზუგდიდის ბულვარშიც გამოჩნდა
14.08.2018 / 14 აგვისტო 2018
ქუჩის პიანინო ზუგდიდში ზუგდიდის ბულვარში ქუჩის პიანინო განთავსდა, რომელზეც დაკვრა ნებისმიერ მსურველს შეუძლია. ქუჩის პიანინო ზუგდიდში ,,შენი იდეა მერს“ პროექტის ფარგლებში, ერთ-ერთი მოქალაქის მერაბ ოკუჯავას ინიციატივით დაიდგა. თბილისის შემდეგ „შენი იდეა მერს“ ზუგდიდში ლაშა გოგიას ინიციატივით დაინერგა და მისი მიზანი ქალაქის განვითარებაში საზოგადოების აქტიური ჩართვაა.
“სასიხარულოა, რომ ასეთი პროექტი საქართველოს სხვა დიდ ქალაქებთან ერთად ჩვენს ქალაქშიც გამოჩნდა და ზაფხულის პერიოდში ზუგდიდის მაცხოვრებლებისა თუ მისი სტუმრებისათვის სასიამოვნო სიახლედ იქცევა. “ქუჩის პიანინოების” პროექტმა ახალი ხიბლი შესძინა ისედაც ხიბლიან ქალაქებს – ნიუ იორკს, ბარსელონას, ლონდონს, სან-პაოლოს, ჟენევას. იმედია ჩვენი თანაქალაქელებისთვის ეს იქნება კიდევ ერთი სასიამოვნო სიახლე”-აცხადებს ზუგდიდის მერი ლაშა გოგია.
