სენაკში კიდევ ერთი სააღმზრდელო დაწესებულება შენდება
25.06.2021 / 25 ივნისი 2021
სენაკში თანამედროვე სტანდარტების შესაბამისი საბავშვო ბაღი შენდება.
ახალი სასწავლო წლიდან, საჭირო ტექნიკით, ინვენტარით, ბუნებრივი აირითა და ცენტრალური გათბობით უზრუნველყოფილი N4 საბავშვო ბაღი 100 აღსაზრდელს მოემსახურება.
შენობა ადაპტირებული იქნება შეზღუდული შესაძლებლობების მქონე პირთათვის.
პროექტს ლტოლვილთა დანიის საბჭო (DRC), საქართველო-გერმანიის ფინანსური თანამშრომლობის ფარგლებში, ახორციელებს.
ამავე პროექტის ფარგლებში, ყოფილი სამხედრო დასახლების ტერიტორიაზე რეაბილიტირდა საბავშვო ბაღი ,,ოცნება”.
სენაკში ასევე აშენდა 60 აღსაზრდელზე გათვლილი, საჭირო ტექნიკით, ინვენტარით, ბუნებრივი აირითა და ცენტრალური გათბობით უზრუნველყოფილი სააღმზრდელო დაწესებულება – N5 ბაგა-ბაღი.
იგეგმება N3 და N7 ბაგა-ბაღების მშენებლობა.
