მაიკლ ჯექსონის 20 წლის ქალიშვილმა ფანებს ბოდიში მოუხადა
ლეგენდარული მუსიკოსის, მაიკლ ჯექსონის 20 წლის ქალიშვილმა, პერის ჯექსონმა ფანებს ბოდიში მოუხადა იმის გამო, რომ Harper’s Bazaar-ის სინგაპურული გამოცემის გარეკანზე გამოჩნდა. ამის შესახებ BBC წერს.
მოდელმა გამოცემის გარეკანის ფოტოები Twitter-ის საკუთარ გვერდზე გამოაქვეყნა, რასაც საზოგადოების კრიტიკა მოჰყვა. პროტესტი იმან გამოიწვია, რომ ჯექსონი დათანხმდა იმ ქვეყნის ჟურნალის ყდაზე გამოჩენას, სადაც ერთნაირსქესიანთა სექსი კანონდარღვევად ითვლება.
მოდელმა მოგვიანებით პოსტი წაშალა და სოციალურ ქსელში მოიბოდიშა. „არ ვიცოდი, ვწუხვარ. მადლიერი ვიყავი ამ შესაძლებლობისთვის, მაგრამ ახლა წავშლი პოსტს. არ მინდა, ვიყო ფარისეველი ან ვინმეს გული ვატკინო. ჩემი მხარდაჭერა LGBTQ+ საზოგადოების მიმართ, უფრო წინ დგას, ვიდრე მოდისადმი ჩემი სიყვარული. კიდევ ერთხელ, ვწუხვარ“ – დაწერა მან.
