რულოვსის თითიდან გამოწოვილი “პრობლემა” – აბრიდან ჩამოვარდნილი ასო “T” [ვიდეო]
![რულოვსის თითიდან გამოწოვილი “პრობლემა” – აბრიდან ჩამოვარდნილი ასო “T” [ვიდეო]](https://api.stv.ge/uploads/null)
გაერთიანებული ოპოზიციიდან ზუგდიდის მერობის კანდიდატმა ზუგდიდის მუნიციპალიტეტის სოფელ კახათში ორი დღე გაატარა. ამას ერთ-ერთ facebook ჩართვაში თავად ამბობს. როგორც ჩანს რულოვსმა მთელი ორი დღის განმავლობაში სხვა., უფრო დიდი პრობლემა ვერ აღმოაჩინა აღნიშნულ სოფელში გარდა ერთისა.
სოფლის შესასვლელში წარწერა “კახათიდან” ერთი ასე “T” იყო ჩამოვარდნილი, რაც ტექნიკურ პრობლემას წარმოადგენს. შესაბამისმა სამსახურებმა აღნიშნული ტექნიკური პრობლემა დროულად მოაგვარა, რასაც რულოვსმა ფეისბუკ პოსტი მიუძღვნა.
“დღეს დილით fb live მქონდა სოფელ კახათიდან. საყვედური გამოვთქვი იმის გამო, რომ აბრიდან, რომელზეც ამ სოფლის სახელი ქართულად და ინგლისურად წერია, ჩამოგდებული იყო სიმბოლო “T”. ვთქვი, რომ თუკი ადგილობრივ ხელისუფლებას კიდევ არ მოუვიდოდა აზრად შეკეთება, ჩვენ შევაკეთებდით კახათის აბრას. ჩემმა დილის fb live – მა იმუშავა. შუადღისით მისულან და მიუმაგრებიათ. ასე იძულებით ვამუშავებთ ზუგდიდის მუნიციპალიტეტში “ქართულ ოცნებას”,-წერს რულოვსი სოციალურ ქსელში.
