სამეგრელოს რეგიონში მომავალი 2019 წლის თხილის მოსავლიანობის გაზრდისთვის მხარის გუბერნატორმა ალექსანდრე მოწერელიამ სპეციალური განკარგულება გამოსცა. განკარგულება თხილის მოყვანა-წარმოების გაუმჯობესებას გულისხმობს, რომელიც “კარდაკარ” სიარულის პრინციპს მოიცავს და მოსახლეობასთან, ფერმერებთან პირდაპირ დიალოგს გულისხმობს.

,,კარდაკარის’’ პრინციპით შესაბამისი ორგანიზაციების წარმომადგენლები და ექპერტებისაგან შემდგარი ჯგუფები, რეგიონის თითოეულ მუნიციპალიტეტში ინდივიდუალურად, თითოეულ მოსახლესთან თხილისა და სხვა კულტურების გადარჩენის მიზნით იმუშავებენ.

აზიური ფაროსანისა და ხოჭოს წინააღმდეგ დაგეგმილი პრევენციული კამპანიის ფარგლებში, სამეგრელო-ზემო სვანეთის გუბერნატორი ალექსანდრე მოწერელია, მერის პირველ მოადგილესთან გიორგი შენგელიასთან, დარგის ექსპერტებსა და სურსათის ეროვნული სააგენტოს წარმომადგენლებთან ერთად კოკისა და ორსანტიის ადმინისტრაციულ ერთეულებში იმყოფებოდა, სადაც მოსახლეობას “კარდაკარის“ პრინციპით შეხვდა.

კამპანიის ფარგლებში, მოსახლეობას აზიური ფაროსანა ხოჭოსა და სხვა მავნებელთა ბრძოლის პრევენციის გზებზე ინფორმაცია მიაწოდეს. ასევე, მოსახლეობასთან შეხვედრები რეგიონის მასშტაბით გაგრძელდება.