გაეროს ბავშვთა ფონდმა 20 ნოემბერი, მსოფლიოს ბავშვთა დღე ზუგდიდში სხვადასხვა ღონისძიებით აღნიშნა.

ღონისძიებების შემდეგ, ზუგდიდის მერი მამუკა წოწერია და სოციალური და ჯანდაცვის სამსახურის უფროსი ნინო სხულუხია, გაეროს ბავშვთა ფონდის წარმომადგენელს საქართველოში იესპერ მოლერს შეხვდნენ.

მერმა იესპერ მოლერს მუნიციპალიტეტში სტუმრობისა და თანამშრომლობისთვის მადლობა გადაუხადა და იმ მუნიციპალურ პროგრამებზე მიაწოდა ინფორმაცია, რასაც ზუგდიდის მერია ბავშვთა და ახალგაზრდული მიმართულებით ახორციელებს.

მსოფლიოს ბავშვთა დღე არის გაეროს ბავშვთა ფონდის გლობალური თარიღი, რომელიც მიუწოდებს კონკრეტული ქმედებისაკენ ბავშვებისთვის ბავშვების მონაწილეობით. ეს დღე ყოველწლიურად 20 ნოემბერს აღინიშნება და ემთხვევა ბავშვის უფლებათა კონვენციის მიღების წლისთავს. წელს ამ დღის მთავარი თემაა „მოუსმინე მომავალს“ და მიზნად ისახავს წაახალისოს საუბრები ბავშვებსა და უფროსებს შორის ახალგაზრდების მომავალზე.