რუხის რესპუბლიკურ საავადმყოფოს სამედიცინო პროცესების და პაციენტთა უსაფრთხოების გერმანულ სტანდარტებთან შესაბამისობისთვის KTQ-International საერთაშორისო აკრედიტაცია მიენიჭა და ხარისხის მართვის სერტიფიკატი გადაეცა.

,,აუდიტორული ორგანიზაციის წარმომადგენლებმა კლინიკის ხარისხის მენეჯმენტი შეაფასეს KTQ-ს კრიტერიუმებით, პაციენტებსა და თანამშრომლებზე ორიენტაცია, უსაფრთხოება და კლინიკური რისკების მართვა, ინფორმაცია და კომუნიკაცია, მენეჯმენტი და ხარისხის მართვა.

ჩვენი საავადმყოფო განაგრძობს ინოვაციებისა და ხარისხის გაუმჯობესების კულტურაზე მუდმივ ზრუნვას პაციენტისა და პერსონალისთვის უსაფრთხო, მზრუნველ გარემოში” წერია რუხის რესპუბლიკური საავადმყოფოს ოფიციალურ გვერდზე გავრცელებულ ინფორმაციაში.

რუხის რესპუბლიკური საავადმყოფო სახელმწიფო პროექტია, მისი მშენებლობა და აღჭურვა სრულიად სახელმწიფომ განახორციელა, საავადმყოფო ამჟამად ჯანდაცვის სამინისტროს დაქვემდებარებაშია. რუხის საავადმყოფოს მშენებლობის პირობა ადგილობრივებს 2012 წელს გაამრთულ შეხვედრაზე ბიძინა ივანიშვილმა მისცა.