იქ, სადაც სპიკერი ჩერგოლეიშვილი გახდა (სხვათა შორის, ლაკას დამსახურებით), დასასრულიც ადვილად პროგნოზირებადი იყო, – წერს პარტია „ნაციონალური მოძრაობის” წევრი ანა წითლიძე სოციალურ ქსელში.

პოლიტიკოსი თამარ ჩერგოლეიშვილთან დაკავშირებულ სკანდალურს გამოეხმაურა, რაც საბოლოოდ ოპოზიციაში მორიგი დაპირისპირებისა და შიდა განხეთქილების მიზეზი გახდა.

„ბოდიში, მე პირდაპირ ვიტყვი:)
ჩემთვის, თავიდანვე გაუგებარი იყო, სხვა რა მიზანი უნდა ჰქონდა ამ „რვიანს”, რომლიც შექმნის მთავარი არსი: რამენაირად ლაკას ერთდღიანი შიმშილობის „გაპრავება” იყო))
იქ სადაც სპიკერი ჩერგოლეიშვილი გახდა (სხვათა შორის, ლაკას დამსახურებით) – დასასრულიც ადვილად პროგნოზირებადი იყო. (ნუ, მთლად ამ ფორმით არ ველოდი)
ჩერგოსთან არანაირი კითხვა არ მაქვს და ლაკამ რაო?“, – წერს წითლიძე.

ჩერგოლეიშვილთან დაკავშირებულ სკანდალს წითლიძესთან ერთად, „ნაციონალური მოძრაობის” თავმჯდომარე თინა ბოკუჩავა და ამავე პარტიის კიდევ ერთი წევრი ლევან სანიკიძეც გამოეხმაურა.

პარტია „ფედერალისტების” ლიდერმა თამარ ჩერგოლეიშვილმა „ფეისბუქზე” კომენტარებში მის მიმართ შეურაცხმყოფელი კომენტარების ავტორებს მათივე „ფეისბუქის” პროფილიდან აღებული მცირეწლოვანი ბავშვების ფოტოების გამოყენებით უპასუხა. აღნიშნულს როგორც ოპოზიციონერების, ისე საზოგადოების მხრიდან „ფედერალისტების“ ლიდერის კრიტიკა მოჰყვა.