ფოთს საქართველოს ფეხბურთის ფედერაციის პრეზიდენტი ლევან კობიაშვილი სტუმრობდა.
იგი მაჟორიტარ დეპუტატთან ირაკლი ხახუბიასთან, ფოთის მერთან გოჩა კურდღელიასთან და ადგილობრივი ხელისუფლების წარმომადგენლებთან ერთად, ფოთის საფეხბურთო სკოლის სტადიონზე მოსწავლეთა ვარჯიშს დაესწრო და სკოლის მწვრთნელებსა და მოსწავლეებს შეხვდა.

ფედარაციის პრეზიდენტი სტადიონზე არსებულ ვითარებას გაეცნო და როგორც საფეხბურთო სკოლის მესვეურებთან საუბრისას განაცხადა, ფედერაცია სტადიონზე სარეკონსტრუქციო სამუშაოებს და მოედნის ახალი საფარის დაგებას უზრუნველყოფს.