მარტვილის მუნიციპალიტეტში, თოვლის სახით მოსული უხვი ნალექისგან ქალაქის ქუჩები იწმინდება. იწმინდება, როგორც ცენტრალური, ასევე ადგილობრივი მნიშვნელობის საავტომობილო გზები. ინფორმაციას მარტვილის მერია ავრცელებს.

გაწმენდით სამუშაოებში ჩართულია მუნიციპალური სამსახურებისა და საავტომობილო გზების დეპარტამენტის ტექნიკა.

ავარიული გამორთვის გამო აბონენტების ნაწილს ელექტროენერგია არ მიეწოდება. ეტაპობრივად მიმდინარეობს აღდგენითი სამუშაოები.

მერიისვე ინფორმაციით მუნიციპალური სამსახურები 24-საათიან რეჟიმში მუშაობენ.