რეგიონის სახელმწიფო უწყებები გარემოსდაცვით გლობალურ აქციას შეუერთდნენ
სამეგრელო-ზემო სვანეთის მხარეში სახელმწიფო რწმუნებულის ადმინისტრაცია შეუერთდა გლობალურ გარემოსდაცვით აქციას - „დედამიწის საათი“. ინფორმაციას სახელმწიფო რწმუნებულის ადმინისტრაცია ავრცელებს.
კამპანიას შეუერთდნენ რეგიონში შემავალი მუნიციპალიტეტები.
კამპანია მსოფლიოს მასშტაბით მილიონობით ადამიანის მიერ ელექტროენერგიის გამოყენებაზე ერთი საათით უარის თქმას გულისხმობს და მას საქართველო ყოველწლიურად უერთდება.
სამეგრელო-ზემო სვანეთის რეგიონთან ერთად გლობალურ გარემოსდაცვით აქციას საქართველში სახელმწიფო დაწესებულებები და კერძო კომპანიების ნაწილი შეუერთდა.
