ზუგდიდის მუნიციპალიტეტის მერის ლაშა გოგიას ინიციატივით, დღეს, დასუფთავების აქცია ანაკლია-განმუხურის სანაპირო ზოლზე მოეწყო. ორდღიანი შტორმის შედეგად დაბინძურებული ზღვის სანაპირო ადგილობრივი ხელისუფლების წარმომადგენლებმა, საყოფაცხოვრებო ნარჩენებისგან გაწმინდეს.

ზუგდიდის მუნიციპალიტეტის მერის, ლაშა გოგიას განმარტებით, დასუფთავების აქცია არის მასშტაბური და მასში ათასამდე თანამშრომელი იღებდა მონაწილეობას. დღესვე დასუფთავდა ხუთ კილომეტრიანი ანაკლია-განმუხურის სანაპირო ზოლი.

„მუნიციპალიტეტის მერია განსაკუთრებულ ყურადღებას აქცევს ანაკლია-განმუხურის სანაპირო ზოლის მოწესრიგებას, ვინაიდან ვთვლით, რომ დამსვენებლებს ნებისმიერ დროს სანაპიროზე სუფთა და სასიამოვნო გარემო უნდა დახვდეთ“. – აღნიშნა ლაშა გოგიამ.

ცნობისთვის, ანაკლიაში Check in Georgia 2018-ის ფარგლებში 23-26 აგვისტოს ახალი ფესტივალი “ANAKLIA ECHOWAVES” გაიმართება.