ა(ა)იპ „ზუგდიდის ბოტანიკურ ბაღსა“ და შპს „ენგური ატრაქციას“ შორის ურთიერთთანამშრომლობის მემორანდუმი გაფორმდა.

,,თანამშრომლობის მთავარი მიზანია გამოცდილების გაზიარება, საზოგადოებრივი ცნობადობის გაზრდა და ზუგდიდის ბოტანიკური ბაღისა და ენგურჰესის თაღოვანი კაშხლის ტურისტული მარშრუტის ერთობლივი პოპულარიზაცია პიარ-ტექნოლოგიების მიმართულებით.

ზუგდიდის ბოტანიკური ბაღის ადმინისტრაცია საკუთარი შესაძლებლობების ფარგლებში იზრუნებს ენგურჰესის კაშხლის საპარკინგე სივრცისა და ე.წ. ვოლქომ ცენტრის გამწვანებაზე.

ბოტანიკური ბაღის ტერიტორიაზე განთავსდება „ენგური ატრაქციის“ შესაბამისი ბანერები.

ენგურჰესის კაშხალზე განთავსდება ბოტანიკური ბაღის საინფორმაციო ბანერები, ხოლო კაშხლის საპარკინგე სივრცეში დამონტაჟებულ ლედ (LED) მონიტორზე უწყვეტად იტრიალებს ბაღის სარეკლამო/საიმიჯო რგოლები.

ეს პარტნიორობა ორ უმნიშვნელოვანეს ტურისტულ ლოკაციას შორის ხელს შეუწყობს რეგიონში ვიზიტორთა ნაკადის ზრდას და ორმხრივი რესურსების ეფექტურად გამოყენებას!” - აცხადებენ ბოტანიკური ბაღის ადმინისტრაციაში.