წინასაახალწლო სამზადისი ზუგდიდში უკვე დაიწყო. ცენტრალურ ქუჩებსა და კონკრეტულ ლოკაციებზე წინასაახალწლო განათების მონტაჟი უკვე დაიწყო. ზუგდიდის მერიამ სპეციალურად ახალი წლისთვის ტენდერი გამოაცხადა და ძველი საახალწლო განათება, რომელიც კრიტიკას ვერ უძლებდა ახლით ჩაანაცვლა. ახალი განათება კი , არც მეტი, არც ნაკლები, სულ რაღაც 323 653 ლარი დაჯდა.

ძირითადი საახალწლო ღონისძიება და მთავარი ნაძვის ხე დადიანების სასახლის ეზოში დაიდმება. ასევე იქნება მეორე ნაძვის ხეც, რომელიც იქვე ახლოს, სკეოტ პარკის ტერიტორიაზე განთავსდება.

როგორც ზუგდიდის მერიაში STV-ს უთხრეს, მთავარი საახალწლო კონცერტი სწორედ სკეით პარკში გაიმართება, თუმცა ჯერ არ არის ცნობილი თუ ვის მოსმენას შეძლებენ საახალწლოდ ქუჩაში გამოსული ზუგდიდელები.

“ჯერჯერობით ცნობილი არ არიის თუ ვის ჩამოვიყვანთ ან კონკრეტულად როდის იქნება საახალწლო კონცერტი, ახალი წლის ღამეს თუ 1 იანვარს. ამის შესახებ სულ მალე გახდება ცნობილი”,-გვპასუხობენ ზუგდიდის მერიაში.

გარდა ამისა, სკეიტ პარკის ტერიტორიაზე სხვა საახალწლო დღეებში დაგეგმილია ღონისძიებები, რომელიც ყველა სეგმენტისთვის იქნება გათვლილი.