ავტოსაგზაო შემთხვევა მოხდა რამდენიმე წუთის წინ ზუგდიდის ცენტრში, რუსთაველის ქუჩაზე. ოპელის მარკის ავტომანქანა საპირისპირო მხრიდან მომავალ მერსედესის მარკის ავტომანქანას შეეჯახა. არიან დაშავებულებიც.

ექიმების განცხადებით, რეფერალურ საავადმყოფოში შეყვანილი პაციენტების მდგომარეობა სტაბილურია და მათ სიცოცხლეს საფრთხე არ ემუქრება.

შინაგან საქმეთა სამინისტროს ინფორმაციით, მომხდარზე გამოძიება საქართველოს სისხლის სამართლის კოდექსის 276-ე მუხლის 1-ლი ნაწილით მიმდინარეობს, რაც ავტოსატრანსპორტო საშუალების ექსპლუატაციის ან, მოძრაობის წესების დარღვევას გულისხმობს.