დღეს, 22 დეკემბერს, მესტიაში ზამთრის ტურისტული სეზონი ოფიციალურად გაიხსნა. ჰაწვალის ფერდობზე სტარტი  სამთო-სათხილამურო თასის გათამაშების პირველმა ეტაპმა აიღო. ტურნირი სპეციალურ და გიგანტურ სლალომში იმართება.

სპეციალისტების დასკვნით კურორტი თეთნულდი, ერთდროულად 6806 დამსვენებლის მიღებას შეძლებს. სათხილამურო კომპლექსი კი ერთდროულად 4100 მოთხილამურეს მოემსახურება. კურორტ ჰაწვალიზე ორი საბაგიროა, ღია სავარძლის ტიპის და  7 კმ-ნი  5 სათხულამურო გზა, რომელიც გათვლილია ყველა კატეგორიის მოთხილამურისთვის.

საბაგიროებიდან ერთ-ერთი არის მესტია-ჰაწვალის დამაკავშირებელი, რომელსაც მნიშვნელოვანი დატვირთვა აქვს, რადგან ის მესტიის ცენტრს აკავშირებს კურორტ ჰაწვალთან. საბაგირო რეკორდულ დროში აშენდა და გასულ წელს შევიდა ექსპლუატაციაში.