ზუგდიდის რეფერალურ საავადმყოფოში ორმხრივი პნევმონიის დიაგნოზით ახალგაზრდა მამაკაცი გარდაიცვალა. როგორც საავადმყოფოს კლინიკური დირექტორი სულხან ორჟონია აცხადებს, პაციენტი მესტიის საავადმყოფოდან იქნა გადმოყვანილი კატასტრიფის სამსახურის მიერ, ცხელებითა და სუნთქვის მწვავე უკმარისობით. ახალგაზრდა მამაკაცს დაუდგინდა დიაგნოზი, ორმხრივი ტოტლაური პნევმონია თანხმლები დაავადებებით.

ორჟონიას თქმით, ავადმყოფი უკიდურესად მძიმე მდგონარეობით მოთავსდა კრიტიკული მედიცინის განყოფილებაში მართვით სუნთქვაზე. მიუხედავად ჩატარებული სამედიცინო დახმარებისა მისი გადარჩენა ვერ მოხერხდა.

ორჟონიას თქმით, ამ დროისთვის ზუგდიდის რეფერალურ საავადმყოფოში მკურნალობას გადის 5 ავადმყოფი გრიპისთვის დამახასიათებელი სიმპტომებით.