ხობისა და ფოთის მიტროპოლიტ გრიგოლის განცხადებით, ეკლესია და ქვეყანა დიდი განსაცდელებისა და გამოწვევების წინაშე დგას და ამ ყველაფერს სასულიერო პირებს შორის დაძაბული ურთიერთობა უფრო ამძაფრებს, რაც მრევლში შესაძლოა, ურთიერთდაპირისპირების გამოწვევის საფუძველი გახდეს. ამის შესახებ მეუფემ ქადაგებისას განაცხადა და აღნიშნა რომ ტენდეციამ შეიძლება უფრო განვითარება ჰპოვოს და დიდი ზიანი მიაყენოს სასულიერო ერთობას.

,,სასულიერო პირთაგან ასეთი ქმედებები უფრო გაზრდილი მუხტით გადადის ადამიანებში. როცა სასულიერო პირი თავის თავს უფლებას აძლევს ამბიონიდან გალანძღოს მეორე სასულიერო პირი, რა უნდა გვიკვირდეს ჩვენ სამოქალაქო ადამიანებისგან, ერისკაცებისგან. ვისმენთ ზოგიერთი ძმის ქადაგებებს, იგრძნობა დიდი დეფიციტი ქრისტიანობისა,”- ამბობს მეუფე.

მისივე თქმით, ბოლო პერიოდში ადგილი აქვს დაბალი იერარქიის სასულიერო პირთაგან მაღალი იერარქიის სასულიერო პირების შეურაცხყოფასა და ლანძღვას. ამან ტენდენციის სახე მიიღო. ამგვარი ქმედება ანგრევს მართლმადიდებელი ეკლესიის ღერძს.

,,ჩვენს სინამდვილეში ერთის მხრივ არის აღორძინება ქრისტიანობისა მაგრამ უფრო მეტად შეინიშნება რომ ჩვენ გვინდა ქრისტიანობა იდეოლოგიად ვაქციოთ. რაც უფრო მეტად იდეოლოგიურ ხასიათს ღებულობს მით მეტად იკარგება მასში ქრისტე. ამ პროცესში ეკლესიური ადამიანები ყველაზე ცუდ მაგალითს ვიძლწვით ხოლმე კეთილი თვისებებისა, კეთილი მოქალაქეობის მაღალი ზნეობისა ვიდრე ის ადამიანები ვინც შეიძლება ეკლესიაში არ არიან და მონათლულები არ არიან. თანამედროვე ქრისტიანობისათვის დამახასიათებელია ის რომ ეკლესიაში უამრავი ადამიანი დადის მაგრამ არის ეკლესიურობის დეფიციტი. ეკლესიურობა არ ნიშნავს ეკლესიაში სიარულს. დავაბრუნოთ ჩვენს საზოგადოებაში ეკლესიურობა. ათეისტური იდეოლოგიის კვალი მოგვყვება თავისუფლებისადმი დამოკიდებულებაში. წარსულმა ჩაახშო ადამიანში თავისუფლები წვდომის უნარი,”- განაცხადა მიტროპოლიტმა.