შოთა მესხიას ზუგდიდის სახელმწიფო სასწავლო უნივერსიტეტში ოკუპირებული აფხაზეთიდან დღეის მდგომარეობით სასწავლო პროცესს 12 სტუდენტი ვერ ესწრება, ხოლო უმაღლესი საბაკალავრო საგანმანათლებლო პროგრამებზე დასკვნით გამოცდებს მხოლოდ ერთი ვერ აბარებს.

ამის შესახებ უნივერსიტეტის რექტორი თეონა ხუფენია აცხადებს.

მისივე თქმით, ამის მიზეზი დეფაქტო ხელისუფლების მიერ ე.წ. საზღვრის ჩაკეტვაა.  როგორც ხუფენია განმარტავს, ყველა სტუდენტი, რომელიც ამის გამო სასწავლო პროცესს ვერ ესწრება, უნივერსიტეტი სპეციალურ გრაფიკს, ინდივიდუალურ სასწავლო პროგრამას შესთავაზებს, რათა სწავლის შედეგები, შეუფერხებლად განსაზღვრულ ვადებში უზრუნველყოს.

დეფაქტო მთავრობამ ოკუპირებულ აფხაზეთთან დამაკავშირებელი როგორც ფახულანი-საბერიოს ე.წ. საზღვარი, ასევე ენგურის ხიდი H1N1 ვირუსის გავრცელების გამო ჩაკეტა 11 იანვარს ჩაკეტა.