ფოთში, დაახლოებით სამი საათის წინ მდინარეში ჩავარდნილ 16 წლის მოზარდს ამ დრომდე ეძებენ. საგანგებო სიტუაციების მართვის სააგენტოს სამსახურის, საზოგადოებასთან ურთიერთობის სამსახურის უფროსის მიშა ფეიქრიშვილის განცხადებით, ადგილზე მობილიზებულია 20 მაშველი.

„საგანგებო სიტუაციების მართვის სამსახურში შეტყობინება 16 :53 შემოვიდა შეტყობინება. თვითმხილველი იუწყებოდა, რომ მოზარდი მდინარე რიონში გადავარდა ქალაქ ფოთში ცენტრში არსებული ხიდიდან , ზუსტად 2 წუთში სამაშველო ჯგუფები ადგილზე მივიდა , თუმცა პირველადი დათვალიერების შედეგად მდინარეში მოზარდი ვერ იქნა აღმოჩენილი.

ამ დროისთვის ადგილზე მობილიზებულია 20 მაშველი . მიმდინარეობს არა მხოლოდ მდინარის ზედაპირის დათვალიერება , ადგილზე მობილიზებული არიან მყვინთავები, დამატებითი ძალები გადმოვიყვანეთ აჭარის რეგიონიდან , შესაბამისად ამ წუთებშიც გრძელდება სამძებრო სამუშაოები და გაგრძელდება ვიდრე ამინდი და მხედველობის არე, იქიდან გამომდინარე რომ უკვე დაღამდა , მოგვცემს საშუალებას სამძებრო სამუშაოები ვაწარმოოთ. მობილიზებულია ყველა შესაბამისი სამსახური და ყველაფერი კეთდება , რათა დროულად იქნას მოზარდი ნაპოვნი,“ _ განაცხადა მიშა ფეიქრიშვილმა.

შეგახსენებთ, თვითმხილველების თქმით, 16 წლის მეათე კლასელი მოზარდი, აღმაშენებლის ხიდზე სამ ბიჭთან ერთად იმყოფებოდა. ის მოაჯირზე ავიდა, ფეხი დაუცდა და წყალში ჩავარდა. გამვლელები უმალ გადახტნენ მდინარეში, მაგრამ ვერ მიაგნეს.