სენაკში  სასწრაფო სამედიცინო დაწესებულების ახალი  თანამედროვე სტანდარტების შენობა აშენდება. პროექტი, რომლის სატენდერო ღირებულება 292 400 ლარს შეადგენს, მიმდინარე წელს უნდა განხორციელდეს.

შენობის ფართობი, რომელიც ჭავჭავაძის ქუჩაზე განთავსდება, 184,65 კვადრატული მეტრი იქნება.

შენობა ორ ძირითად ნაწილად გაიყოფა – საძინებელ და ადმინისტრაციულ ზონებად. იგი სრულად აღიჭურვება და სენაკის მუნიციპალიტეტს ოთხი ბრიგადის პერსპექტივით მაღალი სტანდარტების შესაბამისად მოემსახურება.