მუჟავას ადმინისტრაციულ ერთეულში საავტომობილო გზის რეაბილიტაცია აქტიურად მიმდინარეობს. სამუშაოები დაათვალიერეს წალენჯიხა-ჩხოროწყუს მაჟორიტარმა დეპუტატმა, საქართველოს პარლამენტის წევრმა გოგა გულორდავამ და წალენჯიხის მუნიციპალიტეტის მერმა ბესიკ ფარცვანიამ.

პროექტი ასფალტობეტონის საფარის დაგებასთან ერთად ითვალისწინებს სავალ ნაწილზე და ეზოების მისასვლელებთან წყალსატარი მილების, რკინა–ბეტონისა და მონოლითური კიუვეტების მოწყობას, საგზაო ნიშნების მოწყობასა და სხვა სამუშაოებს.

საავტომობილო გზის რეაბილიტაცია საქართველოს რეგიონული განვითარებისა და ინფრასტრუქტურის სამინისტროს საქართველოს საავტომობილო გზების დეპარტამენტის მიერ 4`679`830.00 ლარით დაფინანსდა. ამ პროექტის განხორციელებით მუჟავას საავტომობილო გზის 12 კილომეტრიანი მონაკვეთი სრულად რეაბილიტირდება.

სამუშაოებს ტენდერში გამარჯვებული კომპანია შპს „ონიქს როუდი’ ასრულებს.