გალის რაიონის სოფელ ოტობაიადან გატაცებული ლევან ძანძავა, ოკუპირებული აფხაზეთის ე.წ იზოლატორში გარდაცვლილი ირაკლი კვარაცხელიას დაკავების მოწმეა. ამის შესახებ STV-ს საკუთარმა წყარომ განუცხადა. ძანძავას დაკავების ძირითადი მიზეზიც სწორედ ეს იყო.

შეგახსენებთ, რომ წუხელ, გვიან ღამით რუსმა სამხედროებმა ოკუპირებული გალის რაიონის სოფელ პირველი ოტობაიას მკვიდრი ლევან ძანძავა დააკავეს. არსებული ინფორმაციით,ძაძუასთან ერთად დაკავებულია მისი თანასოფლელებიც, რომლებიც ძაძუას დაკავების ფაქტს შეესწრნენ და რუს ოკუპანტებს შეეწინააღმდეგნენ.

თვითმხილველთა განცხადებით, დაკავების ფაქტს თან ახლდა ძლიერი სროლები.