ზუგდიდში ბარამიას ქუჩაზე კორპუსების მშენებლობაზე დასაქმებული მუშების ნაწილი გაიფიცა. ისინი კუთვნილი ხელფასების დროულად დარიცხვას ითხოვენ. 20-მდე მუშამ, რომლებიც ბლოკის დაწყობასა და კედლის ლესვაზე მუშაობდა, აცხადებენ, რომ პროტესტის ნიშნად დღეს დილით გზაც გადაკეტეს.

„დროულად არ გვიხდიან ხელფასს. ორი თვეა უკვე კუთვნილი თანხის მოლოდინში ვართ. ხელმძღვანელი გვეუბნება ქვეკონტრაქტორმა უნდა დაგირიცხოთო, მაგრამ ის გაქცეულიაო და 25 მარტს მოვიყვანთ და გაირკვევა გადაგიხდიან თუ არაო. არსად არ ვაპირებთ წასვლას აქ დავდგებით სანამ ხელფასს არ გადაგვიხდიან. კორპუსის მშენებლობა არ შეწყვეტილა, ახლები მუშაობენ, მაგრამ ჩვენ სანამ თანხას არ გადაგვიხდიან მუსაობას არ გავაგრძელებთ. არანაირი ხელშეკრულება არ დაგვიდია, არც თვითონ შემოუთავაზებიათ და არც ჩვენ მოგვითხოვია “, – ამბობს ერთ-ერთი მუშა გენადი ფარულავა.

სამშენებლო სამუშაოებს კომპანია „დაგი“ ახორციელებს.კომპანიაში ჯერჯერობით კომენტარი არ გაუკეთებიათ.