გასული წლის 1 ივლისის ქართველმა დიზაინერმა დემნა გვასალიამ, რომელიც ფრანგული მოდის სახლის Balenciaga-ს და კომპანია Vetements-ის ხელმძღვანელია, 2019 წლის გაზაფხული-ზაფხულის კოლექცია წარადგინა. როგორც გვასალიამ თქვა, კოლექცია საქართველოს ეძღვნებოდა.

მას შემდეგ ამ კოლექციის სამოსით არაერთი ცნობილი ადამიანი გამოჩენილა, მათ შორისაა რეპერი ლილ უეინი (Lil Wayne), რომელიც კონცერტზე ჯინსის ქურთუკით გამოჩნდა, მასზე კი აწერია სახელები – „ვაჟა, შოთა, გალაკტიონი“, მხარზე კი ვხედავთ წარწერას – „სოხუმი“.