საგარეო საქმეთა სამინისტროსა და სსიპ ნატოსა და ევროკავშირის შესახებ საინფორმაციო ცენტრის ორგანიზებით, უვიზო მიმოსვლის შესახებ საინფორმაციო კამპანიის მესამე ფაზის ფარგლებში რეგიონებში მცხოვრებ მოსახლეობასთან საინფორმაციო შეხვედრები განაახლა.

პროექტის ფარგლებში, სამეგრელო-ზემო სვანეთის სახელმწიფო რწმუნებულის მოადგილე კობა ქანთარია, სახელმწიფო რწმუნებულის ადმინისტრაციის უფროსი ლევან წულაია, საგარეო საქმეთა სამინისტროს საკონსულო დეპარტამენტის დირექტორი გოგა ტაბატაძე, დიპლომატიური ინსტიტუტის მკვლევარები – ელჩები თეიმურაზ შარაშენიძე და სოსო დანელია, წალენჯიხაში სამოქალაქო სექტორის წარმომადგენლებს, სტუდენტებს, პროფესორ-მასწავლებლებს შეხვდნენ.

შეხვედრაზე, მოქალაქეებს ევროკავშირის ზონაში უვიზო მიმოსვლის წესები გააცნეს და იმ რისკებზე ისაუბრეს, რაც დაკავშირებულია, როგორც ამ წესების დარღვევასთან, ასევე ევროკავშირის ქვეყნებში თავშესაფრის მიღების პროცედურების არამართლზომიერად გამოყენებასთან.