აბაშის მუნიციპალიტეტის სოფელ სამიქაოში ადგილობრივმა ახალგაზრდა მამაკაცმა მეზობელი სანადირო თოფით მოკლა, შემდეგ კი სიცოცხლე თვითმკვლელობით დაასრულა. ამის შესახებ STV.GE-ს კორესპონდენტი შემთხვევის ადგილიდან იტყობინება.

ინციცდენტი რამდენიმე წუთის წინ მოხდა. არსებული ინფორმაციით, მოკლული მამაკაცი ერთ-ერთი მეზობლის სახლში იმყოფებოდა რა დროსაც მასთან მკვლელი მოვიდა. თვითმხილველების განცხადებით, მათ შორის არანაირი სახის დაპირისპირებას ადგილი არ ჰქონია, თოფი ესროლა და ადგილზე გარდაიცვალა.

მომხდარი ინციდენტიდან რამდენიმე წუთში მკვლელი საკუთარ სახლში გაიქცა და თავი იმავე სანადირო თოფით მოიკლა. ამ დროისთვის მომხდართან დაკავშირებით სხვა დამატებითი დეტალები უცნობია.